حوزہ نیوز ایجنسی کی رپورٹ کے مطابق،اسلامی جمہوریہ ایران نے کورونا کے باعث غیر ملکیوں کے داخلے پر پابندی میں نرمی کرتے ہوئے پاکستانی مسافروں اور زائرین کیلئے اپنے دروازے کھول دیئے ہیں۔
تفصیلات کے مطابق،ایرانی وزارت خارجہ کی جانب سے جاری ہونے والے نوٹیفکیشن کے مطابق پاکستانی مسافر اور زائرین اب مشروط طور پر ایران آسکتے ہیں۔
واضح رہے کہ ایران نے ملک ہندوستان کیلئے ابھی پابندی برقرار رکھی ہے۔ دوسری جانب لاہور قونصلیٹ کے ترجمان کا کہنا ہے کہ ابھی ہمیں باقاعدہ اطلاع نہیں دی گئی ہے، جیسے ہی اطلاع موصول ہوگی، ویزوں کا اجراء شروع کر دیا جائے گا۔
